موضوع جديد اطرحه عند بيتالجدة المتهنية واللي بتحب تشرب الملوخية وبتاكل الرز بالتقلية

في بيت العيلة الخال والخالة

والعم والعمة

بيحبوا بعض

على دستيتن تلاتة غيرة بين السلايف وبعضيها

في بيت العيلة تلاقي حسونة قاعد بيحكي مع فطومة ولبمونة ولحبؤة

كلهم زي اخواته تماام

وفجاة حمادة يدخل انا صاحبي معاية معلش يا فطومة ولمونة حطوا الحجاب عشان يعدي

يقوموا يحطوه على راسهم ولما الامن يستتب ينزلوه ويبصوا لحسونة : هااا كمل يا حسونة ..

وفعلا يشيل الانبوبة من تحت للدور التالت في بيت العيلة المتهنية ويدخل يركب الانبوبة ..

معلش يا ابو فطومة تعبانك معانا بس ابو حسونة لو جه ومش لقى الاكل جاهز هيقوم الدنيا ومش يقعدها

انما انا عاملة حلة محشي تستاهل بؤك .. خمس دقايق بس واحطلك طبق .. متشكر جدا جدا يا ام فطومة انا اكيييل محشي بس مرة تانية ..

مرة تاانية ده ايه ده انته زي اخويا لا والله ابدااا لازم تاكل منه

وكلمة منه وكلمه منها المحشي استوى

اتفضل يا ابو حسونة .. الله الله روووعة

تسلم الايد اللي خدعت وسبكت وحشت ولفت جميييل جدا جداااا

ربنا يخليك يا خوية يا ابو لسان بينقط عسل مكرر مش تعلم اخوك ابو فطومة الكلام الحلو ده ..

يدخل ابو فطومة : انا سااامع حد بيتكلم علييه

خييير يا طيير

يا ابو فطومة ده ابو حسونة ركب الانبوبة وتصدق بالله كان عاوز يمشي من غير ما يدوق المحشي

ايه ده وانا اقول ايه الروايح الجميلة ديه ازاي تفكر تمشي يا ابو حسونة وام فطومة عاملة محشي

ده عليها حلة محشي لا يعلى عليها بصرااحة كفااية اصلا نفسها في الاكل

ايه ده يا ام فطومة ما ابو فطومة هوه كمان لسانه بينقط شهد اهو .. ده هوه اللي يعلمني ..

تعاال يا رااجل احنا هناخد حلة المحشي زي ما هيه كده على طبلية جدتي سنية المستهنية

وانته روح هات من عند مراتك ام حسونة الخللات اللي هيه وحصلنا نقعد نتغدى مع بعض ..

بيت العيلة في رمضاان مليان زينة وافراح

فطور مجمع الاحبة

وسحور برده على نفس الاساس

لماذا تتساقط احكام الله وتنتهك حدوده تحت مسمى

( في بيت العيلة كلنا اخوات )

؟؟؟